Полиция күніне орай мерекелік шара өтті
Аудандық мәдениет үйінде өткен салтанатты жиынға аудан әкімінің орынбасары К. Бержанов қатысып:
«Әрбір мемлекеттің дамуының басты мұраты – ел тыныштығы мен халқының бейбіт ғұмыр кешуі. Полицияда қызмет ету – маңызды әрі жауапкершілігі мол іс. Сондықтан да бұл кәсіби қызмет – зор жауапкершілігімен, тәуекелге бел бууымен ерекше құнды. Азаматтарымыздың қауіпсіздігін қамтамасыз ететін бүгінгі тәртіп сақшыларының еңбегі ерен. Баршаңызға зор денсаулық, отбасыларыңызға амандық, еліміздің жарқын болашағы жолында атқарып жатқан жұмыстарыңызға сәттілік тілеймін!» - деп, ізгі лебізін білдірді.
Мерейлі сәтте құқық қорғау саласында елеулі еңбек етіп, қызмет барысында қырағылық танытқан бірқатар қызметкерлер аудан әкімінің Алғыс хатымен марапатталды.![](/uploads/posts/2024-06/medium/1719121255_2.jpg)
![](/uploads/posts/2024-06/medium/1719121255_2.jpg)
Одан соң аудандық полиция бөлімінің бастығы М. Беркімбаев сала ардагерлері мен әріптестерін кәсіби мерекемен құттықтап, қалтқысыз еңбек етіп жүрген тәртіп сақшыларына марапаттар табыстады. ![](/uploads/posts/2024-06/medium/1719121305_3.jpg)
![](/uploads/posts/2024-06/medium/1719121305_3.jpg)
Мерекелік іс-шара концерттік бағдарламаға ұласып, полиция қызметкерлері өнер көрсетті.
![](/uploads/posts/2024-06/medium/1719121307_4.jpg)