Сенбілік жұмыстары қарқынды ұйымдастырылды

Мемлекет басшысының тікелей назарындағы "Таза Қазақстан" экологиялық акциясы бүгінде жалпы халықтық сипат алып келеді. Оған әр апта көлемінде ұйымдастырылып келе жатқан тазалық жұмыстары мен сенбіліктер дәлел.

Бүгін де осы бағыттағы жұмыстар қарқынды түрде жалғасын тапты. Атап айтқанда І сектор бойынша Ә. Әленов көшесінен әскери қалашыққа дейінгі аралық, ІІІ сектор «Керуен сарайының» артқы бөлігі және ІІ, ІІІ, ІV сектор Жайлы мектептің артындағы карьерлер күл-қоқыстан тазартылып, арнайы техниканың көмегімен карьерлер көмілді.

Сондай-ақ қаладағы түрлі мекемелер өз аймақтары бойынша тазалық жұмыстарын жүргізді. Көшелер мен қоғамдық орындар тазартылып, арнайы әктеу-сырлау жұмыстары жүрді.

Иә, тазалық сақтау - қауіпсіз әрі салауатты өмір кепілі. Осындай ұстанымда өмір сүрген халқымыз әркез тазалықты бәрінен биік ұстап келеді.