АРАЛДА 800 ТҮП АҒАШ ОТЫРҒЫЗЫЛДЫ
26 наурыз «Арал теңізі күніне» орай Қамыстыбас ауылдық округіндегі Қамбаш көлі жағасында «Арал ғылыми-туристік» орталығында (Майшығыр) ағаш отырғызу акциясы өткізілді.Шараға аудан әкімінің орынбасары Мерей Мейірбеков қатысты. Акция барысында 800 түп ағаш көшеттері отырғызылды.
Биыл Арал теңізі күні екінші рет атап өтілуде. Осыған орай, облыс көлемінде іс-шаралар жалғасуда. Бұған дейін Қызылорда қаласында 25 наурыз күні "Ақмешіт-Сырдария" орталық мешітінің маңында Халықаралық Аралды құтқару күні қарсаңында 800 түп алма ағашы мен үйеңкі отырғызылған болатын.
