Жылу беру маусымы жауапкершілікті жүктейді
Жылу беру маусымы басталғалы облыс көлемінде 76 өрт оқиғасы орын алған. Олардың басым көпшілігі тұрғын үйлерде. Орын алып жатқан жағдайлар тұрғындардың өрт қауіпсіздік шараларына салғырт қарауынан, яғни тұрмыстық пештердің техникалық жағдайына мән бермеуінен, балаларды қараусыз қалдыруынан пайда болған. Бұл туралы Өңірлік коммуникациялар қызметінің ақпарат алаңында мемлекеттік өрт бақылау басқармасының бастығы Асхат Оразбеков хабарлады.- Осыған байланысты әр аптаның сенбі күндері облыс бойынша Департаменттің және Полиция департаментінің қызметкерлерімен, қоғамдық бірлестіктердің волонтерлерімен бірлесіп жылу беру маусымы кезеңінде өрттің пайда болуын, адамдардың қаза болуын және жарақат алу қауіп-қатерін азайту мақсатында профилактикалық жұмыстары атқарылуда. Барлығы 72 927 тұрғын үй секторының ауласы аралады. Тұрғындармен 258 рет кездесу ұйымдастырылып, соның ішінде электр және газ баллон жабдықтарын, пешті және газ пештерін орнату, қолдану туралы өрт қауіпсіздігі талаптары бойынша түсіндіру жұмыстары жүргізіліп қамтылды. Бүгінгі күні облыстық жұмыспен қамтуды үйлестіру және әлеуметтік бағдарламар басқармасынан алынған тізімге сәйкес, тұрмысы төмен, көпбалалы, жалғызбасты ана және мүгедек жандары бар 5463 отбасы тізімі нақтыланған. Аталған отбасылардың ішінде жылыту жүйесі табиғи газбен қамтылған үйлерге орнату үшін жергілікті бюджет қаражаты есебінен 484 дана табиғи газды анықтайтын датчик сатып алынып, қала және аудан әкімдіктеріне тапсырылды,- деді Асхат Плалұлы.
Қызылорда облысының Өңірлік коммуникациялар қызметі
Фото: Өңірлік коммуникациялар қызметі
