Жастарға 1 миллион теңгелік қайтарымсыз қаражат берілетін болды
Жастар жылында Дүниежүзілік банк жастарға қайтарымсыз 1 миллион теңге береді. Бұл жайында журналист, блогер Даулет Мұқаев өзінің Instagram-парақшасында күні кеше тікелей эфирде айтылатынын жазса, бүгін мәселенің мән-жайын түсіндірген.«1 миллион теңгелік қайтарымсыз ақша! Дүниежүзілік банк беретін ақшаны биыл Нұр-Сұлтан, Алматы қалалары, Ақмола, БҚО, Атырау, Маңғыстау облысының 14-29 жас аралығындағылар ала алады!!! Құжат тапсыру 15 сәуірде аяқталады! Бизнес жоспар жасап үлгересіздер!»,- дей келе блогер аталмыш қаражаттың өз кәсібін ашқысы келетін жастарға берілетін аңғартады.
Сондай-ақ, журналист жобаның 2017 жылдан бері жүзеге асырылып келе жатқанын, оған әрбір талапты жас қатыса алатыны тілге тиек етеді.
«Бұл жобаға биыл мен де қатысудамын. Негізі қатысатындар бір-біріне бәсекелес болып келеді. Ал мен сіздерге сонда да айтудамын. Менің жобам ұтпаса да, өзге бір қазағым миллион алып, кәсіп ашып, байып жатса мен қуанамын!!! Сіздер де достар, таныстарыңызға айта жүріңіз! Бәлкім, бір қазақтың кәсіпкер атануына сіздің септігіңіз тиіп қалар?! Кең болсаңыз, кем болмайсыз! Толық ақпарат www.zhasproject.kz cайтында. Негізі қайтымсыз ақша беретін бұндай жобалар көп екен. Бірақ біз ести бермейміз»,-деп қорытындылаған сөзін Дәулет Мұқаев.
