Партиялық мониторинг жүргізілді

Партияның «Кедергісіз келешек» аясында "AMANAT" партиясының Арал аудандық филиалының Атқарушы хатшысы Қанатов Талғат Мырзағұлұлы, партиялық бақылау комиссияның мүшесі Мамбетов Жасұлан Серікұлы мен аудандық жұмыспен қамту және әлеуметтік бағдарламалар бөлімінің маманы Нартаев Ернар Нұрболұлы Арал қаласында орналасқан ерекше қажеттілігі бар адамдар үшін әлеуметтік нысандарға мониторинг жұмыстарын жүргізді.

Аталмыш іс-шараның негізгі мақсаты – мемлекетіміздегі мүмкіндігі шектеулі жандардың өмір сүру сапасын жақсарту және тұрақты қамқорлық көрсету болып табылады.

Зерделеу жұмыстарының нәтижесінде мүмкіндігі шектеулі азаматтарға кей мекемелердің стандартқа сәйкес келмеуіне байланысты мекеме басшыларына ескертулер жасалып, олқылықтарды тез арада ретке келтіру жұмыстары комиссия тарапынан партиялық бақылауға алынады.