Судағы қауіпсіздік – өмір кепілі
Жылы маусымдарда суға шомылу көңіл сергітіп, жан жадыратар ерекше демалыс түрі болғанмен, онда қауіптің де қатар жүретінін ұмытпау керек. Судың қызығына беріліп, қауіпсіздік шараларын естен шығару орны толмас өкінішке ұрындыруы мүмкін. Сондықтан әрбір азамат судағы қауіпсіздік шараларын қатаң сақтауы керек. Осы орайда мамандар тек рұқсат етілген жерлерде шомылуға кеңес береді. Сонымен қатар арнайы жабдықталған жағажайларда құтқарушылардың кезекшілігі болуы, су астының жағдайы да бақылауда болғаны дұрыс. Жүзуді жақсы меңгермеген болсаңыз, терең суға бармаңыз. Суға түсіп жатқан бүлдіршіннің жанында ересек адамның болуы – басты талап. Осы және өзге де қарапайым қағидалар өкінішті жайлардың алдын алып, ұзақ өмірдің кепілі болмақ.
Есіңізде болсын, су тіршілік көзі ғана емес, сақтықты талап ететін табиғи орта. Әрбір ереже сіздің және жақындарыңыздың амандығына бағытталған. Қауіпсіздік – саналы адамның таңдауы. Сондықтан өзіңізді де, өзгелерді де қорғаңыз!
"Толқын" ақпарат
