Ерімбетжаға елді мекені тұрғындары сапалы ауызсумен қамтылды
Арал ауданының Ерімбетжаға елді мекеніне орталықтандырылған ауызсу желісі жеткізіліп, тұрғындардың көптен күткен қуанышы жүзеге асты.Ауызсу жүйесін тарту жобасына 1 млрд 45 млн теңге қаржы бағытталды. Нәтижесінде Ерімбетжаға тұрғындары енді сапалы ауызсуды тұрақты түрде пайдалана алады.
Ауызсудың ауылға жеткізілуі – тұрғындардың тұрмыс сапасын арттырып, елді мекеннің әлеуметтік инфрақұрылымын жақсартуға мүмкіндік беретін маңызды жоба.
Таза ауызсу – халықтың денсаулығы мен тұрмыс сапасының негізі. Ерімбетжаға ауылына ауызсудың келуі – елді мекен тұрғындарының өміріндегі маңызды әлеуметтік игілік.
