Бүгін – құтқарушылар күні

Бүгін Қазақстанда Құтқарушы күні аталып өтеді. 1995 жылы Қазақстан Республикасының Төтенше жағдайлар жөніндегі мемлекеттік комитеті құрылды. Осыған орай 19 қазан құтқарушылардың кәсіби мерекесі болып белгіленді, деп хабарлайды turkystan.kz.

Қауіп-қатерге қарамастан көмекке асығатын өрт сөндірушілердің, құтқарушылардың, сүңгуірлердің, кинологтар мен азаматтық қорғау саласы қызметкерлерінің ерлігі мен еңбегі әрқашан құрметке лайық.

1995 жылғы 19 қазанда Мемлекеттік төтенше жағдайлар комитетін құру туралы №2541 жарлыққа қол қойылды. Бұл комитет табиғи және техногендік сипаттағы төтенше жағдайлар мен елдің азаматтық қорғанысы саласындағы уәкілетті орталық атқарушы орган болды.

Ведомство құрылымы бірнеше рет өзгерді. Мемлекеттік комитет агенттік және министрлік болып қайта құрылып, кейін Ішкі істер министрлігінің құрамына кірді. 2020 жылы Төтенше жағдайлар министрлігі қайтадан дербес ведомство болып бөлінді.

2008 жылдан бастап 19 қазан құтқару қызметі қызметкерлерінің бірыңғай кәсіби мерекесі ретінде атап өтіледі. 2026 жылы Мемлекеттік төтенше жағдайлар комитетінің құрылғанына 31 жыл толады.

turkystan.kz
Фото: istockphoto.com