Толқын Арал аудандық қоғамдық-саяси газет
» » ТМД елдері Ішкі істер министрлері Кеңесінің кезекті отырысы өтті

ТМД елдері Ішкі істер министрлері Кеңесінің кезекті отырысы өтті

Аталған отырысқа Достастық елері ішкі істер министрліктерінің, ТМД қатысушы-мемлекеттер аумағындағы ұйымдасқан қылмысқа қарсы және басқа да қауіпті қылмыс түрлерімен күресті үйлестіру бюросы (ТМД ҰҚҚКБ), Атқару комитеті, сондай-ақ ТМД Терроризмге қарсы күрес орталығының басшылары қатысты.
Бұл шараға Қазақстаннан Ішкі істер министрі, полиция генерал-лейтенанты Ерлан Тұрғымбаев бастаған ІІМ делегациясы барды.
Отырысқа қатысушылар ТМД қатысушы-мемлекеттері ІІМ-нің (Полиция) жаңа қауіп-қатерлерге қарсы тұру және елдеріндегі қауіпсіздікті сақтау саласындағы ынтымақтыстық пен өзара іс-әрекеттерінің басты мәселелері мен қылмысқа қарсы күрес бойынша мемлекетаралық бағдарламаның орындалу барысы талқылады.
Кеңес мүшелері Тәуелсіз мемлекеттер достастығына қатысушы-мемлекеттері ішкі істер министрліктерінің (Полицияның) 2030 жылға дейінгі басты ұстанымдарды, міндеттерді, ынтымақтастық бағытын анықтайтын ынтымақтастық Тұжырымдамасын және жаңа кезеңдегі ТМД қатысушы-мемлекеттері ІІМ-нің өзара іс-әрекеттерінің үлгісін мақұлдады.
Кеңес Біріңғай тәртіпті, сондай-ақ кешенді келісімдерді және ТМД қатысушы-мемлекеттері ІІМ-нің жедел алдын алу шараларын өткізу Тәртібін бекітті.
Делегация басшыларын Өзбекстан Республикасының Президенті Ш.М. Мирзиёев қабылдады. Ол өз кезегінде ішкі істер министрліктерінің/полицияның ТМД аясындағы қылмыспен күресте одан әрі ынтымақтастықтың қажеттігіне тоқталды.
Ішкі істер министрлерінің кездесуі өзара түсіністік пен құрмет, достық аясында өтті.
https://baq.kz

01 маусым 2019 ж. 323 0