Оралда 18 адамның өміріне қауіп төндірген аттракцион уақытша тоқтатылды
Оралда 18 адамның өміріне қауіп төндірген аттракцион уақытша тоқтатылды, оқыс оқиғаның нақты себептері анықталғанша, аттракционды пайдалануға тыйым салынды. Қалалық саябақта зырылдап айналып тұрған "шолу дөңгелегі" кенеттен тоқтап қалған екен. Осылайша 18 адам биікте қалып қойған. Құтқарушылар автокөтергіш арқылы оларды төменге түсірді. Олардың алтауы - бала. "Жоғарыда отырған адамдар, балалар бар кішкене үрейленіп, үрейге бой алдырды. Айналдыратын тросы қысылып тоқтап қалған. Алдын ала себебі қазіргі таңда нақты емес. Саябақтың директоры орнында болды. Оның айтуынша, бәрі ауыстырылған, бірақ осындай жағдай болып қалды", - дейді БҚО ТЖД бас маманы Нұралы Мусиев.
