Толқын Tolqyn.kz ақпараттық агенттігі
» » Аралда жаңа оқушылар үйінің іргетасы қаланды (ФОТО)

Аралда жаңа оқушылар үйінің іргетасы қаланды (ФОТО)

Арал ауданының әкімі Мұхтар Оразбаев жаңадан салынғалы жатқан Оқушылар үйі ғимаратының құрылыс алаңында болып, құрылысшыларды кәсіби мерекелерімен құттықтады. Құрылысшылар күніне орай ұйымдастырылған шарада аудан басшысы ауданның дамуына үлес қосып, абыроймен еңбек етіп жүрген бірқатар құрылысшылар мен сала ардагерлеріне арнайы төсбелгілермен қатар, облыс әкімінің және аудан әкімінің Алғыс хатын табыстады.
Мереке қарсаңында ардагер құрылысшы Жалеледин Әбішев ҚР Инвестициялар және даму министрлігінің «Құрметті құрылысшы» төсбелгісімен және "Байс-А" жауапкершілігі шектеулі серіктестігінің директоры, сәулетші Ислам Жұбанов ҚР Индустрия және инфрақұрылымдық даму министрлігінің «Құрметті сәулетші» төсбелгісімен марапатталды.
Марапаттау рәсімінен соң аудан әкімі және аудан ардагерлері 250 орындық Оқушылар үйі ғимаратының іргетасын қалады. Өткен ғасырдың 40-жылдары салынған оқушылар үйінің көне ғимараты апатты жағдайда деп танылған болатын.
Құрылысшылардың ерен еңбегімен аудан орталығында тағы бір жаңа нысан бой көтермек. Құрылыс жұмыстарын мердігер компания «SCS Ижиниринг» ЖШС жүргізеді.
https://kyzylorda-news.kz/news/kogam/29765-aralda-zhaa-oushylar-yn-rgetasy-alandy-foto.html
12 тамыз 2019 ж. 1 060 0