Демалыс күндері ауа райы қандай болады?
Синоптиктер алдағы демалыс күндері ауа райы қандай болатынын айтты, деп хабарлайды inform.kz «Қазгидромет» РМК баспасөз қызметіне сілтеме жасап.Солтүстік-батыс циклоны Қазақстанның территориясына өз ықпалын тигізуін жалғастырып жатыр. Соның әсерінен жаңбыр, кей жерлерде қатты жаңбыр жауады.
Еліміздің солтүстік бөлігінде ауа температурасы төмендейді.
Сондай-ақ, республиканың кей жерлерінде найзағай жарқылдап, жел күшейеді.
Оңтүстікте шаңды дауыл соғады. Бұршақ жаууы ықтимал.
Тек батыста антициклонның арқасында жауын-шашын жаумайды, күн ашық болады.
