Қайрат Нұртас отбасын не себепті жасырып келгенін айтты
Қазақ эстрадасының жұлдыздарының бірі, танымал әнші Қайрат Нұртас өзінің Instagram парақшасы арқылы осы уақытқа дейін өзінің әйел, бала-шағасын неліктен жасырып келгенін айтты.
Ол өзінің сырын бір шумақ өлеңмен жазыпты.
Он жыл бойы отбасымды жасырып қарағаным,
Сол отбасымның тыныштығын қалағаным.
Он жыл бойы әйелімді жасырып келгенім,
Өз-өзіме сенгенім…
Көпшілікке көрсетпей, Өзім ғана көргенім…
Он жыл бойы бала-шағамды жасырғаным,
Олар менің қымбат қазынам, асылдарым…
Ал қазағым, қара орман, жасыл бағым,
Бәрі сіздер үшін, барымды жасырмай көрсетіп, бүгін ашылғаным….
Бәрі Сіздер үшін!, – деген сөздермен аяқтайды өлеңін.
Нұртастың осы өлеңінің соңына желі қолданушылары «Отбасыларыңызға бақыт тілейміз!, «Кішкентайларыңыз аман болсын!», деген сияқты мағынада көптеген жылы лебіздер білдірілген. Сонымен қатар әнші өзінің парақшасына отбасымен бірге түскен әдемі суретін де жариялаған.
stan.kz
