Толқын Tolqyn.kz ақпараттық агенттігі
» » Абай және әл-Фарабидің мерейтойларына арналған маркалар шығарылды

Абай және әл-Фарабидің мерейтойларына арналған маркалар шығарылды

Қазақстанның Швейцариядағы елшілігі қазақтың ұлы ақыны Абайдың 175 жылдығына және түркі философы Əбу Насыр əл-Фарабидің 1150 жылдығына арналған мерейтойлық почта маркаларын шығару туралы бастама көтерді деп хабарлайды baq.kz.

Бұл туралы Сыртқы істер министрлігінің баспасөз қызметі хабарлады. 
Елшілік шығарылған пошта маркаларын күнделікті іскерлік хат алмасуда қолданады және естелік маркаларды болу елінде тарату жөнінде келіссөздер жүргізуде.
Швейцарияда бірнеше рет халықаралық филателиялық көрмелер өтіп, бұл мемлекеттің поштасы мен пошта маркалары – елдің басты брендтерінің бірі. SwissPost маркалары коллекционер мен туристер арасында өте танымал, ал бұл компанияның хат айналымы жылына 2 млрд хатқа дейін жетеді, - делінген хабарламада. 
Швейцарияда заманауи цифрлық технологиялар мен электрондық қызметтердің жоғары дамуына қарамастан, пошта ең танымал байланыс ресурстарының бірі болып табылады. Бұл тек елдің азаматтары мен тұрғындарына ғана емес, сонымен қатар компаниялар, халықаралық ұйымдар, федералды, кантондық және муниципалды органдарға да қатысты.
12 ақпан 2020 ж. 594 0