Толқын Арал аудандық қоғамдық-саяси газет
» » Ұлыбритания ханзадасы Чарльз коронавирус жұқтырды

Ұлыбритания ханзадасы Чарльз коронавирус жұқтырды

Ұлыбританияның тақ мұрагері ханзада Чарльздың коронавирус шалдыққаны белгілі болды, деп хабарлайды Stan.kz ақпарат агенттігі. 

Бұл туралы патша отбасының өкілдері мәлімдеді.
«Ханзаданың бойында аурудың жеңіл белгілері байқалды. Оның денсаулығы жақсы. Қазір ол үйде жұмыс істеуде», – деді Ұлыбритания ханзадасының өкілдері.
Бұған қоса Чарльздың әйелі Корнуоль герцогинясы Камиилла Розмари коронавирусқа қатысты сараптамадан өткен. Бірақ сынама теріс нәтижені көрсетіпті.
Қазір екеуі де Шотландиядағы үйлерінде басқаларынан алшақтатылыпты.
«Ханзаданың ауруды кімнен жұқтырғаны әзірге беймәлім. Ол бұған дейін бірнеше рет қоғамдық іс-шараларға қатысқан, сол себепті мұны ақытау қиынға соғуда», – деп қосты ханзада өкілдері.
Ханзада Чарльз  патшайым II Елизаветаның ұлы, Ұлыбритания патшалығының бірінші мұрагері. Қазір оның жасы 71-де көрінеді.
25 наурыз 2020 ж. 270 0