АҚШ Қазақстанға қызылша ауруымен күресуге 321 миллион теңге бөлді
АҚШ халықаралық даму Агенттігі (USAID) арқылы Қазақстанның жақындағы қызылша ауруының таралуына қарсы жұмсаған күшіне қолдау ретінде 321 миллион теңге (750 000 АҚШ долларын) бөлді., - деп хабарлайды kaz.tengrinews.kz тілшісі.Қазақстандағы Біріккен Ұлттар Ұйымының Балалар Қоры (ЮНИСЕФ) арқылы USAID бұл қаражатты қызылша ауруының таралуының түбегейлі себептерін анықтау, қоғамның бұл мәселе жайында ақпараттандырылуын арттыру және медициналық қызметкерлердің иммунизациялаудағы жұмылдырған күштерін нығайту жолында оқыту үшін жұмсайды.
Қазақстан өңірдегі қызылшаға шалдығу жағдайларының жиілігі бойынша алғашқы он ел қатарына кіреді. Өткен жылы денсаулық сақтау министрлігі қызылшадан қайтыс болға 21 адам жөнінде мәлімдеді, оның ішінде 19 балалар. Бұл иммунитеттегі осалдықтардың көрсеткіші болып табылады және олар иммунизациялау қызметтерінің COVID-19 байланысты кідірістерінің салдарынан үдей түсуі мүмкін. USAID техникалық қолдау көрсетіп, вакциналармен қамтамасыз ету және иммунизациялау бойынша ұсыныстар беріп, ұлттық коммуникациялық стратегия әзірлеуге барынша қолдау көрсетеді.
USAID вакциналардың қауіпсіздігі жөніндегі бұрыс түсінікті анықтау және түзету мақсатымен медициналық қызметкерлерге арналған тренинг өткізеді. Қосымша бөлінген қаражат COVID-19 байланысты карантинді алып тастағаннан кейінгі иммунизация науқанын қолдамақ. Бұл бастаманың тағы бір маңызды аспектісі — алдыңғы қатарлы денсаулық сақтау қызметкерлерін иммунизация мәселелері бойынша білім және машықтармен қамтамасыз ету болып табылады.
Сонымен қатар, USAID фактіге негізделген ақпараттандыру науқанына қолдау көрсетеді. Вакциналарға қатысты батылсыздық Қазақстандағы үдеп келе жатқан мәселе болып табылады. USAID қаржыландыруы қызылша ауруының таралуының түбегейлі себептерін талдау мен оларды жою бойынша ұсыныстарды әзірлеуді қолдамайды.
