NASA Жерге үлкендігі зәулім үйдей болатын астероид жақындап келе жатқанын ескертті

Жерге үлкендігі зәулім үйдей болатын алып астероид жақындап келеді, деп хабарлайды NASA агенттігіне сілтеп Stan.kz.

Ғарыш агенттігі мамандардың мәліметі бойынша, AJ129 астероиды 4 ақпанда Жерге ең жақын нүктеге жетеді. Астероид көлемі 1,7 километрге жетуі мүмкін. Бұл Жердегі ең үлкен ғимарат Дубайдағы биіктігі 800 метр болатын Бурдж-Халифадан да үлкен.

Астероид секундына 34 шақырым жылдамдықпен жылжып келеді.

Ғалымдар «қауіпті болуы ықтимал» деп атаған AJ129 астероиды – биылғы жылы Жерге жуықтап өтетін ең үлкен аспан денесі. Зерттеу мәліметтерне сәйкес, егер ол Жерге құласа, ғаламшарды мұз құрсайды.

Десе де ғалымдар астероидтың Жерге құламайтынына сенімді.