Әлемде коронавирус жұқтырғандар саны 200 миллионнан асты

Джонс Хопкинс Университетінің мәліметі бойынша, пандемия басталғаннан бері бүкіл әлемде 200 миллионнан аса жағдай тіркелген, деп хабарлайды Egemen.kz.

COVID-19 дерегінің көпшілігі АҚШ-та (35 миллионнан аса), Үндістанда (31,8 миллион), Бразилияда (20 миллион), Ресейде (6,27 миллион), Францияда (6,27 миллион) және Ұлыбританияда (6 миллионға жуық).

Жалпы, әлемде COVID-19 инфекциясынан туындаған асқынулар салдарынан 4 252 873 адам қайтыс болған.

Университет мәліметінше, қазіргі уақытта бүкіл әлемде коронавирусқа қарсы вакцинаның 4 228 884 979 дозасы бар.