ДДСҰ бір апта ішінде COVID-19 жұқтырудың 7% -ға төмендегенін атап өтті

Соңғы аптада әлемде 2,8 миллионнан астам адам коронавирус инфекциясын жұқтырды, 46 мыңнан астам адам қайтыс болған, деп хабарлайды ҚазАқпарат.

Дүниежүзілік денсаулық сақтау ұйымының (ДДСҰ) сәрсенбідегі мәліметі бойынша, жаңа инфекциялардың саны жеті күнде 7% -ға, өлім -жітім 10% -ға төмендеді.

Бір апта ішінде Африкада (32%) және Тынық мұхитының батысында (26%) инфекциялардың айтарлықтай төмендеуі тіркелді. Еуропа – аурушаңдық (7%-ға) өскен жалғыз аймақ. Өлім тек Еуропада ғана 11%-ға өсті. Бір апта ішінде ең көп адам жұқтырған АҚШ (653 837). Одан кейін Ұлыбритания (249 699), Түркия (205 266), Ресей (188 829) және Үндістан (139 572).

ДДСҰ мәліметтеріне сәйкес 13 қазандағы жағдай бойынша, әлемде пандемия басталғалы 238 521 855 адам індет жұқтырған және 4 863 818 өлім тіркелді.

syrboyi.kz