Қазақстан мен Катар арасындағы рейстер көбейеді
Бұл туралы ҚР ИИДМ Азаматтық авиация комитетінің өкілдері мәлімдеді, деп хабарлайды Egemen.kz.«Қазақстан Республикасы аумағында коронавирустық инфекцияның пайда болуы мен таралуына жол бермеу жөніндегі ведомствоаралық комиссияның шешіміне сәйкес 2022 жылғы 8 наурыздан бастап катарлық «Qatar Airways» әуе компаниясы Доха - Алматы - Доха бағыты бойынша рейстер санын аптасына 2-ден 3 рейске дейін және 2022 жылғы 19 наурыздан аптасына 3 рейстен 4 рейске дейін арттыруды жоспарлап отыр», делінген хабарламада.
Рейстер А320 типті әуе кемесінде дүйсенбі, сәрсенбі, жұма және жексенбі күндері санитарлық-эпидемиологиялық талаптарды қатаң сақтай отырып және әуекомпания сайтында жарияланған кестеге сәйкес орындалатын болады.
Осы бағыт бойынша рейстердің ұлғаюы сауда-экономикалық ынтымақтастықты, туризм мен елдер арасындағы іскерлік әріптестікті дамытуға, сондай-ақ Қазақстанның инвестициялық тартымдылығын арттыруға ықпал етеді.
