ДДҰ маймыл шешегіне қатысты төтенше комитет отырысын өткізеді

Дүниежүзілік денсаулық сақтау ұйымы (ДДҰ) маймыл шешегінің әлем халқының денсаулығына қаншалықты әсер ететінін бағалау үшін келесі аптада төтенше комитет отырысын өткізеді, деп хабарлайды Egemen.kz.

Тедрос Адханом Гебрейюстің айтуынша, қазір ұйым аурудың расталған 1,6 мың жағдайынан хабардар.

Гебрейюс қорғаныс шараларына көбірек мән беру керек деп санайды, өйткені «вирус әдеттен тыс әрекет етеді».

«Біз жағдай бақылаудан шыққанша күткіміз келмейді», деп қосты ДДҰ Африкадағы төтенше жағдайлар жөніндегі директоры Ибрахима Сос-Фол.

Дегенмен, Гебрейюс ДДСҰ қазір маймыл шешегіне қарсы жаппай вакциналау қажет емес деп санайтынын айтып өтті.

Ұйымның мәліметінше, маймыл шешегі – сирек кездесетін вирустық ауру, ол негізінен тропикалық ормандар өсетін және әдетте вирус тасымалдаушы жануарлар мекен ететін Орталық және Батыс Африка елдерінде кездеседі. Кейде вирус басқа елдерде маймылдың эндемиялық аймақтарынан келген адамдарда кездеседі. Адамдар арасында жұқтыру жағдайы алғаш рет 1970 жылы Конго Демократиялық Республикасында (ол кезде – Заир) анықталды. Африкадан басқа, індет алғаш рет 2003 жылы Америка Құрама Штаттарында тіркелген.

Аяна Тоғанбек