Ауғанстанда болған жарылыстан 9 адам қаза тапты
Ауғанстандағы Салагн туннелінде жанармай таситын көлік аударылып, жарылды, деп хабарлайды Egemen.kz.Бұл туралы «Талибан» қозғалысы уақытша үкіметінің өкілі Мевлеви Хамидулла Мисбах айтты.
Алдын ала мәлімет бойынша, жарылыс салдарынан 9 адам зардап шекті, тағы 30 адам жарақат алды.
Куәгерлердің айтуынша, туннель қазір көлік қозғалысы үшін жабық.
Айта кетейік, Салагн туннелі Ауғанстанның солтүстік провинцияларын астанамен байланыстыратын жалғыз бағыт.
Талибан үкіметінің Денсаулық сақтау министрлігі зардап шеккендердің ауруханаға жатқызылғанын хабарлады.
