Толқын Tolqyn.kz ақпараттық агенттігі
» » Оңтүстік Кореяда жаңбырдан қаза тапқандар саны 32 адамға жетті

Оңтүстік Кореяда жаңбырдан қаза тапқандар саны 32 адамға жетті

32 адам қаза тауып, ондағаны жоғалды. Оңтүстік Кореядағы толассыз жауған жауыннан су тасып, көшкін болып, мыңдаған адам эвакуацияланды, деп хабарлайды ҚазАқпарат Yonhap агенттігіне сілтеме жасап.

Табиғи апаттармен күресу және қауіпсіздік шаралары жөніндегі орталық штаб жексенбі күні таңертең елге жауған нөсер жаңбырдан қаза тапқандардың саны өткен аптада 26-ға жеткенін хабарлаған еді.

Құтқарушылар орталықтағы Осон қаласындағы су басқан жерасты туннелінде тұрып қалған автобустан тағы алты адамның денесін алып шықты. Ұзындығы 685 метрлік туннельде жолаушылары бар автобус және шамамен 15 жеңіл көлік болған. Құтқару жұмыстары жалғасуда. Зардап шеккендердің саны артуы мүмкін екені хабарланды.

Қаза тапқандардың басым бөлігі Солтүстік Кёнсан оңтүстік-шығыс провинциясында тіркелген, онда 17 адам негізінен көшкін мен тұрғын үйлердің құлауынан мерт болды, ал тағы тоғыз адам хабар-ошарсыз кетті.

Жақында болған қатты жаңбырдың салдарынан бүкіл ел бойынша 13 адам зардап шекті. 13 қала мен провинциядан 7540 адам үйлерін тастап кетуге мәжбүр болды.

Жаңбырдың салдарынан 211 жол жабылды. Пойыз қозғалысы тоқтатылды. 12 әуе рейсі тоқтатылды.

Сағат 05:00-дегі жағдай бойынша елде Канвондо провинциясының оңтүстік аудандарында, Чхунчхон провинцияларында, оңтүстік аймақтарда және Чеджу аралында қатты жаңбыр туралы ескерту таратылды. Оңтүстік Чолла мен Оңтүстік Кёнсан провинциясының жағалауында сағатына 30 миллиметрге дейін қатты нөсер күтілуде. Метеорологтар сейсенбіде орталық Чхунчхон провинцияларында және Чолла мен Кёнсан оңтүстік провинцияларында 300 мм-ге дейін жауын-шашын болуы мүмкін екенін ескертті.

Билік жоғалған адамдарды құтқару үшін бар күшін салуға уәде берді. Қорғаныс министрлігі табиғи апат салдарын жоюға көмек көрсету үшін 472 әскери қызметші мен 69 техника жұмылдырылғанын хабарлады.
16 шілде 2023 ж. 205 0