Жиналысқа 3 минут кешіккен министр басын иіп кешірім сұрады
2020 жылы Токиода өтетін Олимпиада ойындарына жауапты жапондық министр Еситака Сакурада парламент комитетінің жиынына 3 минут кешіккені үшін жария түрде кешірім сұрауға мәжбүр болды, деп жазады Qamshy.kz ақпарат агенттігі Bbc.com сайтының мәліметін негізге алып.Өткен жылы Сакурада өзінің компьютерді қолдана алмайтынын айтқан болатын.
Жапондық министр бюджетке байланысты жиналысқа 3 минут кешіккен. Жиынға қатысып отырған оппозициялық депутаттар министрді "өзінің қызметіне жауапсыз қарады" деп айыптап, жиналыс барысында оған 5 сағат бойкот жариялаған.
Айта кетейік, 2020 жылы қазан айында өтетін Олимпиада ойындарына жауапты тұлға ретінде сайланған Сакурада 2018 жылдан бері көп сынға ілігетін болған.
Жергілікті БАҚ-қа берген сұхбаттарының бірінде компьютермен атқарылатын жұмыстың бәрін өзінің қарамағындағы жұмыскерлерге тапсыратынын айтқан. Кейіннен депутаттар оның отставкаға кетуін талап етіпті, алайда Сакурада орнына әлі кетпеді.
