Толқын Tolqyn.kz ақпараттық агенттігі
» » Солтүстік Корея су асты ядролық қару жүйесін сынақтан өткізді

Солтүстік Корея су асты ядролық қару жүйесін сынақтан өткізді

Солтүстік Корея Оңтүстік Корея, АҚШ және Жапонияның бірлескен әскери жаттығуларына наразылық белгісі ретінде су астындағы ядролық қару жүйесін сынақтан өткізді. Бұл туралы Stan.kz ақпарат агенттігі KCNA басылымына сілтеме жасап хабарлайды.

КХДР Қорғаныс министрлігінің мәліметінше, қазіргі оқу-жаттығулар аймақтағы жағдайдың одан әрі тұрақсыздануына әкеліп соқты. Сондай-ақ мемлекеттің қауіпсіздігіне үлкен қатер төніп тұр.

Сеул Солтүстік Корея шабуылдайды деген болжаммен Ёнпхен аралдарының тұрғындарын эвакуациялауда
Оңтүстік Корея Солтүстік Кореяны шекара маңындағы артиллериялық атысты тоқтатуға шақырды.
"Осыған жауап ретінде КХДР Ұлттық қорғаныс академиясының Су асты қару-жарақ жүйелері институты Кореяның Шығыс теңізінің акваториясында әзірленіп жатқан "Хэиль-5-23" су астындағы ядролық қару жүйесін маңызды сынақтан өткізді.

Біздің әскеріміз АҚШ әскери-теңіз күштері мен оның одақтастарының дұшпандық әрекеттерін тоқтату мақсатында теңіз үстінен және астынан қарсы жауап беріп жатыр", - делінген хабарламада.

Айта кетейік, бұған дейін Солтүстік Кореяда екі бозбала Оңтүстік Кореяның танымал дорамасын көргені үшін 12 жылға ауыр жұмысқа тартылғаны туралы жазған едік.

Фото: stan.kz 
19 қаңтар 2024 ж. 484 0