Джо Байден Газада алты апталық бітімге келуге шақырды

АҚШ президенті Израиль мен ХАМАС-тың Газа секторындағы соғыс қимылдарына алты апталық үзіліс жасауға шақырды. Байденнің пікірінше, бұл ұзақ мерзімді бейбітшілік жолындағы алғашқы қадам болуы мүмкін, деп хабарлайды DW ақпарат агенттігі.

Америкалық көшбасшының бұл мәлімдемесі дүйсенбі, 12 ақпан күні Вашингтонда Иордания королі Абдалла II-мен келіссөздерден кейін жасалды.

Байденнің айтуынша, АҚШ әзірлеп жатқан Газа секторындағы алты апталық бітім бір жағынан израильдік кепілге алынғандарды босатуға көмектессе, екінші жағынан шайқас болған аймақтағы бейбіт тұрғындарға жеткізілетін гуманитарлық көмек көлемін ұлғайтуы мүмкін. АҚШ президентінің айтуынша, мұндай уақытша бітім аймақта тұрақты бейбітшілік орнату жолындағы алғашқы қадам болуы мүмкін.

Абдулла II өз кезегінде Газа секторындағы соғысты дереу тоқтатуға шақырды.

    «Біз мұның жалғасуына жол бере алмаймыз. Бізге қазір ұзақ мерзімді атысты тоқтату керек. Соғыс аяқталуы керек», — деді Иордания. монархы. Ол соғыстың жалғасуы гуманитарлық апатқа қауіп төндіретінін қосып өтті. Сондай-ақ II Абдулла Палестинаның екі аймағы — Иордан өзенінің батыс жағалауы мен Газа секторын саяси жағынан бөлуді «қабылдауға болмайтын» деп айтты.

Ақпарат көзі: kaz.inform.kz
Фото: ашық дереккөз