Қырғызстандық көкпаршылар денсаулығын сақтандыра бастады

Қырғызстанның көкпаршылары жарыс кезінде жазатайым оқиғалардан денсаулығын сақтандыруды бастады. Бұл туралы Kok Boru_rulit Instagram блогына Қырғызстан спорт федерациясының вице-президенті Нұрлан Мақсұтов мәлімдеген, деп хабарлайды Қырғызстанның Кабар агенттігі.

Денсаулық сақтау полисін бірінші болып мемлекеттік сақтандыру компаниясынан «Сары-Озон» Шу командасының ойыншылары сатып алды.

«Бұл заман талабы. Көкпаршы ойын кезінде жарақат алған жағдайда сақтандыру ақысы төленеді. Әр команда сақтандыру процедурасынан өтуі керек. Денсаулығын сақтау туралы полисі жоқтар турнирлерге қатыса алмайды», - деді Нұрлан Мақсұтов.

Оның айтуынша, көкпаршыларға арналған полистің төмен бағасы 2800 (40 мың теңгеге жуық) сомды құрайды, ал сақтандыру төлемі 200 мың сомға (1 млн теңгеге дейін) дейін барады.

Сондай-ақ, вице-президент аталған мәселенің федерацияда бұрыннан бері талқыланғанын айтты.

Ақпарат көзі: inform.kz