Вьетнам тағы бір күшті Яги тайфунына дайындық үстінде

Оңтүстік Қытай теңізімен шектесетін елде көптеген адамдардың өмірін қиып, өнеркәсіпке, өндіріске және мүлікке елеулі зиян келтіретін тропикалық дауылдар жиі соғады. Бұл туралы Azertag.az хабарлады.Үкімет алдағы 24 сағатта қатты желдің күшеюі мүмкін екенін айтып, жағалаудағы провинцияларды ескертті. Нөсер жауын жаууы мүмкін.

Тайфун қозғалысын болжау қиын, оның бағыты, жылдамдығы мен күші өзгеріп тұруы мүмкін екендігі де атап өтілді.

Вьетнам биыл Азияда болған ең күшті «Яги» тайфуны салдарынан енді қалпына келуде.
Табиғи апаттарды басқару агенттігінің мәліметі бойынша, тайфун салдарынан болған су тасқыны мен көшкіннен барлығы 291 адам қаза тапты. 38 адам із-түссіз жоғалып, 2 мыңға жуық адам жараланғаны атап өтілді.

Reuters агенттігінің хабарлауынша, солтүстіктегі бірнеше провинцияда өнеркәсіп өндірісі тоқтап, 235 мың үй қираған немесе бүлінген, 300 мың гектардан астам күріш пен басқа да егіс алқаптары су астында қалған.

Метеорологиялық агенттік жаңа дауыл бейсенбі күні кешке немесе жұма күні таңертең орталық Дананг қаласына жақындайды деп болжады.

Дананг пен көршілес Куангнам провинциясының билігі теңізде келе жатқан дауыл туралы ескертіп, іздеу-құтқару жоспарын дайындап жатыр.

Ақпарат көзі: kaz.inform.kz
Сурет: ашық дереккөз