Түркияда тікұшақ аурухана ғимаратына соқтығысты
Апат салдарынан екі ұшқыш, бір дәрігер және жедел жәрдем қызметкері қаза тапты, деп хабарлайды TRT Haber.
Вертолет врезался в здание больницы в Турции: есть погибшие
Фото: trthaber.com
Мугла қаласы Ментеше ауданында орналасқан Мугла оқу-зерттеу ауруханасынан ұшып шыққан тікұшақ Антальяға қарай бағыт алған. Алайда ұшу барысында аурухананың төртінші қабатына соқтығысып, жерге құлаған.
Ақпарат көзі: kaz.inform.kz
Сурет: ашық дереккөз
Вертолет врезался в здание больницы в Турции: есть погибшие
Фото: trthaber.com
Мугла қаласы Ментеше ауданында орналасқан Мугла оқу-зерттеу ауруханасынан ұшып шыққан тікұшақ Антальяға қарай бағыт алған. Алайда ұшу барысында аурухананың төртінші қабатына соқтығысып, жерге құлаған.Апат туралы хабарлама тарағаннан кейін оқиға орнына көптеген өрт сөндіруші, медицина қызметкері, полиция және құтқарушылар барды.
Мугла губернаторы Идрис Акбийик бірден қайғылы оқиға болған жерге барып, журналистерге түсініктеме берді. Оның сөзінше, апат салдарынан тікұшақта болған екі ұшқыш, бір дәрігер және жедел жәрдем қызметкері қаза тапқан.
Акбийик атап өткендей, ауданды бүгін қалың тұман басқан. Қазір апат себептері анықталып жатыр. Ол аурухана қирамағанын айтты.
Осы апатқа байланысты қылмыстық іс қозғалды.
Ал елдің денсаулық сақтау министрі әлеуметтік желіде оқиғаға қатысты пікір білдіріп, қаза болғандардың отбасыларына көңіл айтты.
— Біздің министрліктің қарамағындағы жедел жәрдем тікұшағы Мугла оқу-зерттеу ауруханасына соқтығысып, жерге құлады. Апат салдарынан біздің төрт әріптесіміз, оның ішінде екі ұшқыш, бір дәрігер және медицина қызметкері қаза тапты. Біз олардың отбасына көңіл айтамыз. Оқиғаны тергеу жалғасуда, тиісті ақпарат жария етіледі, — деді ол.
Ақпарат көзі: kaz.inform.kz
Сурет: ашық дереккөз
