АҚШ-та төтенше жағдай режимі енгізілді

АҚШ президенті Дональд Трамп елдегі сауда балансының тапшылығы ұлттық қауіпсіздікке қауіп төндіргенін айтып, елде төтенше жағдай режимін енгізетінін жариялады. Бұл туралы ол шетелден әкелінетін барлық тауарға баж салығын енгізу туралы шешім қабылдаған кезде мәлімдеді, деп жазады Egemen.kz.

Трамптың айтуынша, сауда балансының тапшылығы АҚШ-тың негізгі сауда серіктестерінің ішкі экономикалық саясаты мен жаһандық сауда жүйесіндегі құрылымдық теңсіздіктерден туындайды.

БАҚ мәліметінше, АҚШ-тың сауда балансының тапшылығы импорт пен экспорт арасындағы айырмашылықтан қалыптасқан. Ресми деректер бойынша, 2024 жылы елде импорт көлемі экспорттан 1,2 триллион доллар артық болған.

Фото: Ашық дереккөз