Токио – шөгетін қала
Аспанмен таласқан алып ғимараттарымен әйгілі Токио ғасырлар бойы жер сілкінісі, цунами, тіпті жанартау атқылауына қарсы күресіп келе жатқаны аздай, енді тағы бір мәселеге тап келді. Қала жыл сайын сантиметрлеп шөгіп бара жатыр.Ғалымдардың есебі бойынша, Токио жылына 1-2 сантиметр шөгеді. Бұл аз болып көрінуі мүмкін, бірақ 10 жылда 15–20 см деген сөз. Өйткені қала астындағы жерасты суларын шамадан тыс сорып алу жер қабатының тығыздалуына себеп болып отыр. Сондай-ақ Токио ғимараттары, метро жүйесі, көпірлер мен жолдар өте тығыз орналасқандықтан ауырлық жердің табиғи көтергіш қабілетін әлсіретіп жатыр. Қазір Жапония үкіметі арнайы жобалар жасап, шөгу үдерісін тоқтатуға тырысып жатыр. Бірақ табиғатпен текетірес оңай шаруа емес.
Айтолған ЖҮНІСХАН
Фото: egemen.kz
