Таиланд «алтын виза» береді
Таиланд шетелдіктерге 1 миллион долларға «алтын виза» бергісі келеді, деп хабарлайды Bloomberg. Экс-премьер-министр Таксин Чинават елге 1 миллион АҚШ долларын немесе одан да көп инвестиция салғандарға ұзақ мерзімді тұруға рұқсат беруді және жылжымайтын мүлік сатып алуды ұсынды.
Бағдарлама 600 000 қатысушыға арналған және Таиланд экономикасына шамамен 600 миллиард доллар инвестиция әкелуі мүмкін, ол білім беру мен инфрақұрылымды дамытуға жұмсалады.
Еске сала кетейік, Таиланд шетелдік туристерге арналған жаңа алымды енгізуді кейінге қалдырды. Бұған дейін шетелдік туристерге арналған алымды 2025 жылы енгізу жоспарланған болатын. Алайда, министрліктің ассистенті Чакрапол Тансутитхамның мәлімдеуінше, Туризм және спорт министрі Соравонг Тхиентхонг қазіргі жағдайды тұрақсыз деп есептеп, бастаманы кейінге қалдыру туралы шешім қабылдаған.
Дубайда медбикелерге «алтын визалар» беріледі.
Ақпарат көзі: syrboyi.kz
Фото: Thailand Starts Here
