Толқын Tolqyn.kz ақпараттық агенттігі
» » Теріні ерте қартайтады: қандай алты тағамнан бас тарту керек?

Теріні ерте қартайтады: қандай алты тағамнан бас тарту керек?

Дәрігерлер терінің уақытынан бұрын қартаюына әкеліп соғатын алты тағамды атады, деп хабарлайды "Известия".
Мамандардың айтуынша, зиянды өнімнің бірі – қант. Қантты үнемі рационға қосу коллаген синтезін баяулатады.
Тізімнің екінші сатысында қайта өңделген ет тұр. Дәрігерлер бұл өнімді мөлшерден тыс қолдану зат алмасу процесіне кері әсерін тигізіп, теріні өңсіз ететінін алға тартады. Сондай-ақ, безеу пайда бола бастайды.
Ал тұзды көп қолданғандардың беті жиі ісіп, терінің сапасы нашарлайды.
Тізімге көптің сүйікті сусыны саналатын кофе де еніп отыр. Ол ағзаны құрғатып, әжім түсіреді.
Бесінші орында – алкоголь. Мамандар спирттік ішімдік ішу салдарынан теріде шағын ісіктің пайда болып, қан тамырларының қызарып, айқын көрініп тұратынын айтады.
Алтыншысы - жүгеріден жасалған өнімдер, чипсы, попкорн сынды тағамдар. Дәрігерлер бұл өнімді жиі жеу ағзадағы омега-3 және омега-6 май қышқылының балансын бұзады деп отыр.

https://sputniknews.kz/society/20190819/11297484/terini-qartaytatyn-tagamdar.html?_ga=2.247652359.1081507885.1566825586-1300167441.1549902179
26 тамыз 2019 ж. 1 000 0