Толқын Tolqyn.kz ақпараттық агенттігі
» » Сыбайластық- зиянды құбылыс

Сыбайластық- зиянды құбылыс

Еліміздің демократиялық, зайырлы, құқықтық және әлеуметтік мемлекет ретінде орнықтыру жолындағы ең басты қауіп- қатерлерінің бірі – сыбайлас жемқорлық екені барлығына белгілі. Сондықтан да, оны болдырмау, алдын алу мақсатында елімізде көптеген іс- шаралар жоспарланып, жүзеге асырылуда.1998 жылдың 2 шілдесінде Қазақстан Республикасының «Сыбайлас  жемқорлыққа қарсы күрес туралы» Заңы қабылданып, онда сыбайлас жемқорлықпен күресу әрбір мемлекеттік органдар басшыларының, ел азаматтарының міндеті екендігі атап көрсетілді. Аталмыш заң азаматтардың құқықтары мен бостандықтарын қорғауға, сыбайлас жемқорлық көріністерінен туындайтын қауып – қатерден еліміздің ұлыттық қауіпсіздігін қамтамасыз етуге, жемқорлыққа қатысты құқық бұзушылықтың алдын алуға бағытталған. Қоғамымыздың барлық саласына дендеп еніп бара жатқан жемқорлықтың жолына батыл тоқауыл қойып, олардың зардаптарын жою және мүдделілерді жауапқа тарту- бүгінгі күннің ең басты міңдеттерінің бірі.
 Қазақстанның 2015-2025 жылдарға арналған Сыбайлас жемқорлыққа қарсы он жылдық стратегиясы да қабылданды. Стратегияның мақсаты- мемлекеттің сыбайлас жемқорлыққа қарсы саясатының тиімділігін арттыру, сыбайлас жемқорлықтың кез келген көрінісіне «мүлдем төзбеушілік» ахуалын жасау арқылы, сыбайлас жемқорлыққа қарсы қозғалысқа бүкіл қоғамды тарту және Қазақстанда сыбайлас жемқорлық деңгейін төмендету болып табылады.
Жалпы, Қазақстанда тәуелсіздіктің алғашқы жылдарынан – ақ, сыбайлас жемқорлықпен күрес жіті қолға алынған болатын. Соған қарамастан бұл індет қоғам өмірінде анда- санда болса да бой көрсетіп қалып жүргені рас. Кез келген өркениетті қоғам үшін, сыбайлас жемқорлықпен күрес ең өзекті мәселелердің бірі болып табылады.
Әрбір мемлекеттік қызметші отансүйгіштікті, ақыл- парасатты, білімді, жігерді, адалдықты жанына жалау етіп, Ата Заңымызды ардақтаса, сыбайлас жемқорлықтың сағы сынар еді.

С. Тойшыбаев,
ҚР АШМАӨК МИК-нің, Арал аудандық аумақтық инспекциясы бас маманы,
өсімдіктерді қорғау жөніндегі мемлекеттік инспекторы.
09 сәуір 2020 ж. 1 052 0