42500 теңге көп көмек болды

Мен жас анамын. Еліміздегі болып жатқан төтенше жағдайға байланысты отбасымызға кіретін кірістің де мөлшері азайып, уақытша күрделі кезеңге тап болғанымыз рас. Коронавирус індетінің алдына алуда Қазақстан халқына мәлімдеме жасаған Мемлекет басшысы үкімет ешкімді де көмексіз қалдырмайтынын айтқан болатын. Артынша төтенше жағдайға байланысты қаржылық қиындықтарға тап болған ел азаматтарына ең төменгі айлық көрсеткіш деңгейіндегі 42500 теңге әлеуметтік жәрдемақы тағайындаған болатын. Цифрлы технологияның мүмкіндігі мол осы кезеңде оны алуға өтінім жібергендердің қатары көп болғанын да білеміз. Солардың бірі болып мен де мемлекеттен берілетін әлеуметтік төлемге өтінім берген болатынмын. Дегенмен сенімім ақталды. Өзім күткендей 42500 теңге жақын күндері есепшотыма аударылды. Бұл ақша бізге расында үлкен көмек болды. Үйге азын-аулақ азық-түлігімізді алып, ел қатарлы күн кешудеміз.
Осы орайда халқына осындай мүмкіндіктер жасап жатқан билік басындағы ел азаматтарына алғыс айтқым келеді. Бізге тағайындалған бұл жәрдемақыны алдағы уақытта да аламыз деген ойдамын. Барлығы елемізде болып жатқан коронавирус індетінің алдына алуда жасалып жатқан игі жұмыстар екенін түсінемін. Ел басына түскен мұндай қиын кезеңдер енді қайтып болмасын дейміз.
Д.Өмірбекқызы,
Арал қаласының тұрғыны.