Бір күнде 5 әкімшілік іс медиация тәртібімен тоқтатылды

Арал аудандық сотында 21 мамыр 2020 жылы Қазақстан Республикасының Әкімшілік құқық бұзушылық туралы Кодексінің 73, 73-1, 73-2 баптарымен 5 әкімшілік құқық бұзушылық туралы іс қаралды.Құқық бұзушылар мен жәбірленушілер, сондай-ақ прокурор «True Conf» мобильді қосымшасының мүмкіндіктерін пайдаланып, сот отырысына қашықтықтан қатысты.
Іс құжаттарына сәйкес, 2 құқық бұзушы отбасы-тұрмыстық қатынастар аясындағы құқыққа қарсы әрекеттерді жасаса, 1 құқық бұзушы денсаулыққа қасақана жеңіл зиян келтірген, ал 2 құқық бұзушы ұрып-соғу құқық бұзушылығын жасаған.
Алайда, сотта жәбірленушілер құқық бұзушыларға кешірім беріп,  олармен медиация тәртібімен татуласқандарын көрсетіп, істерді тоқтатуды сұраған.
Сотпен іс құжаттары зерттеліп, құқық бұзушылар мен жәбірленушілердің медиация арқылы татуласқандары ескеріліп, Қазақстан Республикасының ӘҚБтК-нің 64-бабының негізінде әкімшілік істер өндірістен тоқтатылды.
Арал аудандық сотының баспасөз қызметі.