Толқын Арал аудандық қоғамдық-саяси газет
» » Келін мен ене арасындағы жанжал медиациямен аяқталды

Келін мен ене арасындағы жанжал медиациямен аяқталды

Медиацияның тараптарды татуластыруда тиімді тәсіл екендігіне жиі көз жеткізіліп келеді. Бұған, Арал аудандық сотында ӘҚБтК-нің 73-бабының 1-бөлігімен қаралып, тараптардың медиация тәртібімен татуласуларына байланысты тоқтатылған әкімшілік іс дәлел бола алады.
Айталық, құқық бұзушы Ж. отбасы-тұрмыстық қатынастағы енесімен жанжалдасып, ар-намысына тиетін былапыт сөздер айтып, отбасы тыныштығын бұзып, отбасы-тұрмыстық қатынастар саласындағы құқыққа қарсы іс-әрекеттер жасаған. Келініне ренжіген енесі полиция бөліміне арызданған.
Сот талқылауы барысында, жәбірленуші мен құқық бұзушы кәсіпқой медиатордың араласуымен медиациялық келісімге келіп, әкімшілік істі өндірістен тоқтатуды сұраған.
Сотпен іс құжаттары зерттеліп, құқық бұзушы мен жәбірленушінің медиация арқылы татуласқандары ескеріліп, Қазақстан Республикасының ӘҚБтК-нің 64 бабының негізінде әкімшілік іс өндірістен тоқтатылды.
Арал аудандық сотының
баспасөз қызметі.
03 қазан 2019 ж. 77 0