Әріптестер медиация тәртібімен татуласты

Арал аудандық сотында азаматша А-ға қатысты Қазақстан Республикасының ӘҚбК-нің 73-2-бабының 1-бөлігімен көзделген әкімшілік құқық бұзушылық туралы ісі қаралды.Іс құжаттарына сәйкес, құқық бұзушы А. 2018 жылдың 30-сәуірі күні сағат 22:00 шамасында, бірге жұмыс жасайтын әріптесі И-дің үйіне келіп, оған тиісіп, өзара сөзге келіп қалып, оның кеуде тұсынан жұлқылап итеріп жіберіп, денсаулыққа жеңіл зиян келтiруге әкеп соқпаған күш қолдану әрекеттерiн жасаған.
Сот талқылауы барысында, жәбірленуші мен құқық бұзушы кәсіпқой медиатордың араласуымен медиациялық келісімге келіп, әкімшілік істі өндірістен тоқтатуды сұраған.
Сот қаулысымен азаматша А-ға қатысты әкімшілік іс, тараптардың медиация тәртібімен келісімге келулеріне байланысты өндірістен тоқтатылды.
Арал аудандық сотының
баспасөз қызметі