Жаңадан құрылған Райымбек ауданын кім басқаратыны белгілі болды
Жақында ғана Алматы облысында Кеген және Райымбек ауданы деп аталатын екі аудан құрылған болатын. Кеше Райымбек ауданының орталығы Нарынқолға барған облыс әкімі Амсандық Баталов аталған екі ауданға әкім тағайындады, деп хабарлайды Baq.kz ақпарат агенттігі.ҚазАқпарат агенттігінің мәліметіне қарағанда, аудандық мәслихат депутаттарының келісімімен Кеген ауданының әкімі болып Талғат Байеділов тағайындалды. Ол бұған дейін Райымбек ауданы әкімінің орынбасары қызметін атқарған. Ал Райымбек ауданының әкімі болып Жолан Умаров бекітілді.
Айта кету керек, Жолан Умаров аудан екіге бөлінбей тұрған сәтте Райымбек ауданының әкімі болған. Жаңа аудандардың әкімдерін облыс басшысы халықпен кездесу барысында таныстырып, жұмыстарына сәттілік тіледі.Кеген ауданының орталығы Кеген ауылы болса, Райымбек ауданының орталығы Нарынқол ауылы болды.
Естеріңізге сала кетейік, Елбасы Алматы облысының әкімшілік-аумақтық құрылысындағы өзгерістер туралы Жарлыққа қол қойған болатын.
