Қызылорда: Медициналық ұйымдарға 32,2 млрд теңге төленді
Жыл басынан бері Қызылорда облысы бойынша медициналық ұйымдарына 32,2 млрд теңге төленді.Бұл қаржыландыруды Әлеуметтік медициналық сақтандыру қоры мемлекеттік тапсырыс шеңберінде тегін медициналық қызметтер үшін және міндетті әлеуметтік медициналық сақтандыру пакеті шеңберінде жүзеге асырады.
32,2 млрд теңгенің 25,9 млрд теңгесі тегін медициналық көмектің кепілдік көлеміне берілген, 6,3 млрд теңгесі МӘМС аясындағы қызметтерге бөлінген.
2020 жылға Әлеуметтік медициналық сақтандыру қорының филиалымен 57 медициналық қызмет көрсетушілермен келісім – шарт жасалды, оның ішінде – 30 мемлекеттік медициналық ұйым (52,6%), 27 жеке меншік (47,4%).
Барлығы 59,9 млрд теңгеге шарттар жасалды, оның ішінде 43,3 млрд теңге (72,2%) тегін медициналық көмектің кепілдік берілген көлемі шеңберінде, 16,6 млрд теңге (27,8%) МӘМС қаржысы құрайды.
