«Тегін таратылып жатқан маскалар есірткіге малынған, абайлаңыз» жазбасымен әлеуметтік желілерде тараған ақпарат шындыққа жанаспайды. Бұл туралы ҚР Ішкі істер министрлігінің ресми өкілі Нұрділдә Ораз онлайн-брифинг барысында мәлімдеді.

«Әлеуметтік желілер арқылы жалған ақпарат таратылған. Ақпарат бойынша әлеуметтік қызметкерлер есірткіге малынған маскалар таратқан. Артынша адамдарды ұйқтатып тастап, ұрлық жасаған. Ресми түрде бұл ақпараттың шындыққа жанаспайтыны туралы айтқым келеді. Бұл фейк ақпарат», – дейді Нұрділдә Ораз.