Аудандық мәслихат депутаттарының денсаулық саласының өкілдерімен кездесуі

Облыстық мәслихат депутаттығына кандидаттар Жұмашев Мейрамбек Тоғысұлы және Лаура Ибраймова Қолғанатқызының қатысуымен денсаулық саласының өкілдерімен кездесу өтті. Қазақстанның Тұңғыш Президенті – Елбасы Н.Ә. Назарбаев төрағалық ететін «Nur Оtan» партиясының ұтымды ұстанымы елдің әл-ауқатын арттырудың қарқынын арттырып келеді. Көшбасшы партияның кез-келген құнды құжаты әбден сарапталып, сыннан өтіп, салмақты серпінімен сенімге ие болуда. «Nur Otan» партиясы ұлт денсаулығын сақтауға ерекше мән беріп келеді. Жыл басынан өткізілген комиссия отырыстары барысында денсаулық саласы бойынша бірқатар мәселелер қаралды. Оның ішінде өңірлер бөлінісінде алғашқы медициналық-санитариялық көмектің қолжетімділігін арттыру бойыша шаралар кешенін әзірлеу және іске асыру, COVID-19 пандемиясы кезеңінде аймағымызда үздіксіз медициналық көмекті ұйымдастыру және дәрі-дәрмекепен қамтамасыз ету мәселелері талқыланды.

«Nur Оtan» партиясының сайлауалды өңірлік бағдарламалары аймақтардың даму ерекшеліктеріне бағытталып, назар аударуды қажет ететін салалармен сабақтасуда. Мәселен, «Nur Оtan» партиясының Қызылорда облысы бойынша сайлауалды бағдарламасы сан-салаға серпін беруді көздейтін саяси бағдарланған құжат ретінде мақсаттар межесін белгілеп берді. Яғни, өзінің сайлауалды бағдарламасында ауданды дамытудың 7 басым бағытын айқындады. Оның басты мақсаты – халықтың мүддесін түгендеп, қоғамның талап-тілектерін ескерген саяси құжаттың маңызын тілге тиек етті. Осы орайда кандидаттар өз тараптарынан бағдарламаның мақсат-міндеттерін бірлесіп іске асыруға шақырды.