Акция аясындағы ақпараттық жұмыстар

Аудандық мәслихат депутаттығына үміткер Дәуренбек Мадинов «Nur Otan» партиясының сайлауалды бағдарламасын таныстырып, ақпараттық, үгіт-насихат жұмыстарын «Есіктен есікке» акциясы аясында ауданымыздағы әлеуметтік нысандар мен тұрғын үйлерді аралады. Халықтың өмір сүру сапасы мен әл-ауқатын жақсарту мақсатында «Nur Otan» партиясының сайлауалды бағдарламасында атқарылатын ауқымды істерге тоқталып, сайлаушылар тарапынан түскен түрлі сауалдарға жауап берді. «Nur Otan» партиясының сайлауалды бағдарламасында ауданды дамытуды айқындайтын 7 басым бағытымен таныстырды. 

Сайлауалды бағдарламаның басты мақсаты – халықтың өмір сүру сапасы мен әл-ауқатын үздіксіз жақсарту үшін жағдай жасау. Сонымен қатар «Nur Otan» партиясы аудан тұрғындарының өмір сүру сапасын жан-жақты арттыруды қолдай отырып, осы бағытта «Ауыл – ел бесігі» арнайы және «Құтты мекен» партиялық жобаларын іске асыру жұмыстарын жалғастыра беретін болады. Нәтижесінде аудан тұрғындары таза ауызсуға, сапалы жолдарға, әлеуметтік және инженерлік инфрақұрылым нысандарына қол жеткізетін болады.

Кездесу барысында кандидаттар сайлаушыларға үгітнасихат материалдарын таратып, алдағы 10 қаңтарда өтетін сайлауға қатысып, дауыс беруге шақырды.

«Nur Otan» партиясының Қызылорда облысы Арал ауданының сайлау қорының қаражатынан төленді