Жүргізу құқығынан айырылған азамат әкімшілік қамаққа алынды

Арал аудандық сотында Қазақстан Республикасының ӘҚБтК-нің 612-бабының 3-бөлігімен азамат Н-ға қатысты әкімшілік іс қаралды.Әкімшілік құқық бұзушылық туралы хаттамаға сәйкес, азамат Н. Арал аудандық сотының 2020 жылғы қаулысымен ӘҚБтК-нің 608-бабының 1-бөлігімен кінәлі деп танылып, 7 жылға көлік құралдарын басқару құқығынан айырыла тұра, ағымдағы жылдың 7 ақпаны күні көлік құралын басқарған.

Сот отырысында құқық бұзушының құқық бұзушылық әрекеті, өзінің кінәсін мойындаған жауабымен, сондай-ақ сотта зерттелген іс құжаттарымен толық дәлелденген.

Сот қаулысымен құқық бұзушы Қазақстан Республикасы Әкімшілік құқық бұзушылық туралы Кодексінің 612-бабы 3-бөлігімен кінәлі деп танылып, 10 тәулікке әкімшілік қамаққа алынды.

Айта кету керек, жыл басынан бері аудандық сотта жүргізу құқығынан айырыла тұра, көлік тізгіндеген тұлғаларға қатысты 7 әкімшілік іс қаралып, әкімшілік жауаптылық түрлері белгіленген.

Арал аудандық сотының баспасөз қызметі