Көлікті құжатсыз басқарғаны үшін әкімшілік қамаққа алынды

Арал аудандық сотында Қазақстан Республикасы ӘҚБтК-нің 612-бабының 3-бөлігімен азамат Б.-ға қатысты әкімшілік құқық бұзушылық туралы іс қаралды.

Сотта анықталғандай, азамат Б. көлік құралдарын басқару құқығынан 4 жыл мерзімге айырылғанына қарамастан, көлік құралын қайта басқарған.

Сот қаулысымен азамат Б. Қазақстан Республикасы Әкімшілік құқық бұзушылық туралы Кодексінің 612-бабы 3-бөлігімен кінәлі деп танылып, 10 тәулікке әкімшілік қамаққа алынды.
Сот қаулысы заңды күшіне енбеген.
Арал аудандық сотының
Баспасөз қызметі.