Толқын Tolqyn.kz ақпараттық агенттігі
» » Масаң күйде жасалған жол көлік оқиғасы үшін әкімшілік жауаптылық

Масаң күйде жасалған жол көлік оқиғасы үшін әкімшілік жауаптылық

Арал аудандық сотында азамат К-ға қатысты Қазақстан Республикасының ӘҚБтК-нің 608-бабының 3-бөлігімен әкімшілік құқық бұзушылық туралы іс қаралды.Іс құжаттарына сәйкес, азамат К. 27.12.2018 жылы сағат 13:24 шамасында, «Опель вектра» маркалы көлігін масаң күйде тізгіндеп, жол жүрісі қауіпсіздігін сақтамай, жолда тоқтап тұрған «Hyundai Elantra» автокөлігіне соққан. Жол көлік оқиғасы нәтижесінде көліктер зақымдалып, мүліктік залал келтірілген.
Сот отырысында құқық бұзушының кінәсі, іс құжаттарымен және оның кінәсін мойындаған жауабымен дәлелденген.
Сот қаулысымен К. жасаған құқық бұзушылығы үшін кінәлі деп танылып, 5 жыл мерзімге көлік құралын басқару құқығынан айыру түріндегі әкімшілік жазаға тартылды.
Сот қаулысы заңды күшіне енбеген.
Арал аудандық сотының
баспасөз қызметі
18 қаңтар 2019 ж. 1 331 0