«Парасат жолы» жобасы аясында қарқынды жұмыстар жүргізілуде

Бүгін департаменттің Превенция және парасаттылық басқармасының басшысы Әлімқұлова Ғалия Ұбайдуллақызының, Қызылорда облысының мәдениет, архивтер және құжаттама басқармасының тарихи-мәдени мұра, музей және кітапхана бөлімі бөлімінің басшысы Нұржакипова Жанар Сейітжанқызының және өңіріміздегі барлық аудандық кітапхана басшыларының қатысуымен Zoom платформасы арқылы кездесу өтті.Кездесудің негізгі мақсаты -Ә. Тәжібаев атындағы облыстық кітапханасының базасында ашылған «Парасат жолы»орталығының жұмыс барысымен таныстыру және басқа кітапханаларда жобаны іске асыруға әдістемелік көмек көрсету.
«Парасат жолы» жобасы - адалдық, парасаттылық, әділеттілік қағидаттарын қалыптастыруға, сондай-ақ ұлттық мәдениет пен руханият құндылықтарын қоғамда ілгерілетуге бағытталған.
Ғалия Ұбайдуллақызы шара барысында департамент тарапынан кітапхана басшыларына «Парасат жолы» орталықтарың ашылуына қажетті әдістемелік көмек көрсететіндігін және сыбайлас жемқорлыққа қарсы мәдениетті қалыптастыруға бағытталған таратпа материалдармен қамтамасыз ететіндігін хабарлап өтті.
Сонымен қатар,«Парасат жолы»орталығының 2021 жылға арналған жұмыс жоспары талқыланып, қатысушылардың сауалдарына жауаптар берілді.