Бүлдіршінге сақтықпен қараңыз

Балалардың отпен ойнауы қайғылы жағдайға әкеліп соғатыны әрбір ата анағы белгілі. Көбіне үйде жалғыз қалған бүлдіршіндер тыйым салған ойындармен ойнап, сіріңкені ермек етеді. Отпен ойнауы олардың қайғылы жағдайға әкелетіні олардың естеріне де келіп соқпайды.

Өрт бұл адамның өмірі мен денсаулығына зиян келтіретін, табиғатымызға залалын тигізетін бақылаусыз жану болып табылады. Мұндай жағдайлар ата аналары электр құралдарын жанып жатқан пешті бақылаусыз қалдырып сіріңкені балалардың қолы жетпейтін жерге жасырып кетпегендіктен болады. Ата аналар баланың отқа қызығушылығын көре тұра оның көз алдында сіріңкені тұтатып ойнауына еркіндік береді. Әрине,бұл баланы қызықтырып жанған от есінде ұзақ сақталады. Бір қарағанда ештеңе жоқ сияқты көрінгенімен бала бойында отпен ойнау дағдысы қалыптасады.

Есімізде сақтауымыз қажет; 1 түп талдан мыңдаған сіріңке жасалады, ал сол мыңдаған талды өртеуге 1 тал сіріңкенің күші жететіні белгілі.

Жас ұрпақтың денсаулығын қамқорлық таныту мемлекетпен мектептің міндеті емес. Бұл-біздің қоғамның, әрбір жанұя мүшесінің түсіндіру борышы.

Қызылорда облысы Төтенше жағдайлар департаменті Мемлекеттік өрт бақылау басқармасы