Толқын Tolqyn.kz ақпараттық агенттігі
» » 6 наурызға арналған ауа райы болжамы

6 наурызға арналған ауа райы болжамы

Еліміздің жеті облысында дауылды ескерту жарияланды, деп хабарлайды Stan.kz ақпарат агенттігі «Қазгидромет» РМК-ға сілтеме жасап.
Дәрігерлер 82 жастағы әжейдің құтқарып қалды

6 наурызда Қызылорда облысында кей жерлерде тұман күтіледі. 6 наурызда Ақмола облысында тұман, көктайғақ, бұрқасын болады.

Оңтүстік-батыстан соғатын жел түнде 15-20 м/с, екпінді жерлерде 25 м/с-ке жетеді. Күндіз кей жерлерде 15-20 м/с-ке жетеді. Көкшетауда 6 наурызда мезгіл-мезгіл бұрқасын жауады. Жолдарда көктайғақ болады.

Оңтүстік-батыстан соққан желдің екпіні 23 м/с-ке жетеді. 6 наурызда Қарағанды облысының кей жерлерінде тұман күтіледі.

6 наурызда Қостанай облысында кей жерлерде боран, тұман, көктайғақ күтіледі. Оңтүстік-батыстан соққан жел солтүстік-батысқа ауысады, түнде 15-20 м/с, кей жерлерде 23-28 м/с, күндіз кей жерлерде 15-20 м/с-ке жетеді.

Қостанайда түнде және 6 наурызда таңертең бұрқасын болады деп күтілуде. 6 наурызда Солтүстік Қазақстан облысында түнде қар жауады деп күтілуде. Кей жерлерде тұман, бұрқасын, көктайғақ болады деп болжанды.

6 наурызда Петропавлда боран болады деп күтілуде. Оңтүстік-батыстан, батыстан соққан желдің жылдамдығы 15-20 м/с, түнде екпіні 23-28 м/с-ке жетеді.

6 наурызда Түркістан облысының күндіз кей жерлерде найзағай ойнайды деп күтілуде. Кей жерлерде тұман күтіледі. Оңтүстік-батыстан соққан жел 15-20 м/с-ке дейін күшейеді.

6 наурызда Батыс Қазақстан облысында кей жерлерде тұман, бұрқасын, көктайғақ күтіледі. Оңтүстік-батыстан соққан 15-20 м/с жылдамдықта жел соғады.

6 наурызда Оралда тұман, көктайғақ күтіледі. Түнде оңтүстік-батыстан екпіні 18 м/с болатын жел соғады.

stan.kz
06 наурыз 2021 ж. 358 0